حماية الاطفال من مخاطر الانترنت

حماية الأطفال من مخاطر شبكة الإنترنت 15 طريقة

حماية الأطفال من مخاطر شبكة الإنترنت

الموضوع هيكون بالعامية عشان يكون سهل بالنسبة لجميع الامهات والاباء انهم يكملو قراءة الموضوع لأهميته

مع الوضع الراهن ومخاوف العالم من فيروس كورونا وغلق المدارس والانشطة فكتير من الدول

رغما عنا بقى قضاء الوقت بشكل أكبر في المنزل بيترجم لزيادة عدد الساعات الي بيقضيها الطفل على الأجهزة

والي زود الوضع سوء ان حتى المذاكرة هتكون على الاجهزة سواء تابلت او موبايل او كمبيوتر او ايباد او غيره

وسواء كان التعليم منزلي او مدرسي اون لاين بقى وجود الأجهزة في ايد الطفل لساعات طويلة أمر حتمي

مدينة بدون قوانين

وجود طفلك بجهاز على الانترنت بالظبط شبه انك سبتي طفلك في مدينة لوحده خالية من القوانين

وأفراد الامن فيها عددهم قليل ومش بالقدرة الكافيه لمنع الخطر عن الكل

في المدينة دي هتكون حماية طفلك مسؤوليتك الخاصة كأم أو أب

اتكلمنا مسبقا عن أهمية وضع برنامج هتلاقي رابط الموضوع في نهاية المقال google family link

استخدمي فاميلي لنك لأي جهاز طفلك بيستخدمة لكن للاسف بعض الامهات بتعتقد انها بمجرد وضع البرنامج في جهاز الطفل

وظبط السن والوقت اليومي للطفل هي خلاص كده عملت الى عليها واصبح الجهاز امن تماما لاستخدام الطفل

وده غلط جدا لسه كتير جدا من المحتوى الغير لائق ممكن يوصل لطفلك وأحيانا بشكل متعمد

للأسف ان فيه ناس كتير بدون اخلاقيات ممكن تروج على اليوتيوب ومنصات التواصل وغيره لمحتويات غير لائقة للأطفال و بتضيف في تصنيفها انها مناسبة للأطفال

وهي تحتوي على مشاهد عري او مشاهد عنف أو مشاهد فاضحة أو مفاهيم ليست من عادتنا وتقاليدنا والأديان السماوية بشكل عام وكمسلمين بشكل خاص

وبتتسرب للأطفال معلومات كتير لتغيير معتقداتهم وزرع أفكار معينة

أولا-لا للثقة المطلقة

اذا كنتي ام أو أب معتقد أن طفلك بعيد تماما عن انه يتعرض لأي محتوى غير مناسب

أو انك محصن طفلك كويس بالشرح والنقاش والرابط الديني والأخلاقي وان طفلك غير معرض لأي محتوى غير مناسب

أو مش محتاج لمتابعتك ورقابتك المستمرة فانتبه فأنت في غفله

انتبه فأنت في غفله

فيه أفراد فكل مكان في العالم هدفهم الربح بدون اي مرجعية اخلاقية او دينية ودول بيهمهم الربح بس

سواء كان بترويج اشاعات او معلومات مغلوطة أو بتعريض اطفال لأي محتوى غير مناسب سواء عنف او عري او أفعال فاضحة

والفئة دي من الناس بتبقى معتمده على ترويج محتوى ليس ذو جودة

ويحتوي على ماسبق ذكرة معتمده ان الاطفال سيتابعوه للنهايه حب استطلاع على الاقل

وبدافع فضول الطفل

ولحماية الطفل من هذا النوع من المحتوى لازم متابعة مستمرة ودقيقة لما يشاهده الطفل وهي منتشرة على الانترنت بكثرة و

بشكل هائل سواء في اليوتيوب والفيس بوك أوالاعلانات العشوائية وغيرها

هنشرح بالتفصيل مراقبة نشاط الطفل على الانترنت ومتابعته دون ان ألفت انتباهه بشكل مباشر وبدون اشعارة انه شخص غير موثوق فيه ومراقب

حماية الأطفال من مخاطر شبكة الإنترنت

في جهات أخرى هدفها مدروس لتغيير مفاهيم ومعتقدات الطفل منذ الصغر وزرع أفكار معينه لدى الطفل غالبا منافيه للأعراف والمبادئ العامة والأديان

ودي بتكون أكثر أحترافا في دمج الأفكار مع محتوى موجه للأطفال ودي بنلاقيها كتير فمحتويات بيتم عرضها على قنوات الاطفال في التلفزيون

ودي بينفع معاها الحوار وزرع الافكار الايجابية باستمرار وتعريف الطفل على الافكار الغلط والأشياء الغير مقبوله دينيا وليس مجتمعيا

أمتى أكثف متابعتي لطفلي

طفلك فاي مرحلة من مراحل المراهقة المبكرة او المتوسطة لازم متابعة وخاصة من 9-17 سنة

لو حسيت ان طفلك بيتنقل طول اليوم بين الأجهزة وده مشكلة عامة الفترة دي في العديد من البيوت

طفلك على غير عادته دائم السرحان بيفضل الانعزال بجهازه بعيدا تدني مفاجئ في التركيز او المستوى الدراسي والتركيز دون مشاكل صحية

عدم الرغبة في القيام بانشطة مع الأسرة

تغير سلوكي زي العنف والعصبية بشكل فجائي أو ميل الطفل للانطوائية

الخطوة الأولى

استخدم فورا برنامج فاميلي لنك كخطوة أولى بيخليك من منصة واحدة تتابع انشطة طفلك على جميع الاجهزة تحدد ايه الانشطة المسموح بيها وايه APPS

الممنوعة وكم الوقت وايه الاجهزة الي ممكن استخدامها كل يوم وكم عدد الساعات والفترة المسموح خلالها باستخدام الاجهزة

ثانيا -بديهيات

فيه أمور بديهيه مينفعش طفلك يكون عنده جهاز موبايل او تابلت او ايباد أو غيره وانتي مش بتنفذها

استخدام الاجهزة ممنوع في الغرف او بعيدا عن الأعين لازم يكون في وسط البيت

او في مكان بطبيعة الحال فيه نوع من الحركة والتواجد زي الصالة او غرفة المعيشة living room

ممنوع استخدام الاجهزة في ساعة متأخرة ويكون في موعد متفق عليه مسبقا لترك الاجهزة في مكان معين او غلقها بواسطة اي برنامج مثل family link

وده رابط موضوع اتكلمنا فيه تفصليا عن استخدام البرنامج ده للرقابة الاسرية

شاركي طفلك اهتماماته واظهريله اهتمامك بمشاركته ولو لوقت بسيط مشاهده برامجه او ألعابه المفضله

وابتعدي عن اللوم والانتقاد والتعنيف الدائم صاحبي طفلك في المرحلة دي اكثر من اي وقت

لو لاحظتي

لو لاحظتي ان طفلك رغم عدم وجود اي مشاكل صحية دائم السرحان فاقد تركيزة سلوكه متغير مهمل لمهماته او واجباته

محب للانعزال اتغيرت رغبته في مشاركتكم الجلسات الاسرية او الالعاب الجماعية بدأ يكون اكثر عصبية

أو بيستخدم الفاظ غير مقبوله او طريقة غير مقبوله في التعامل

فانتبهي امنحي طفلك مزيد من الحب والصداقة والتقرب من جانب ومن الجانب الاخر تابعيه بشكل أكبر زي ماهنشرح بالتفصيل والخطوات دون اشعاره

ممنوع على الطفل استخدام كلمة سر باسورد لأجهزة الطفل بدون انه يعرف الام والاب عليها

وعرفي الطفل انك محتاجه الباسورد لأي طارئ او لصيانة الجهاز أو تحديث البرامج او غيره وان الهدف الحفاظ على سلامته وليس تقييد حريته

وان زي مالطفل غالبا عارف كلمة السر الخاصة بجهاز الام والاب لازم كمان احنا يكون عندنا علم بكلمة السر الخاصة بك

ليس للرقابة ولكن لانه لا اسرار بين الاسرة الواحدة

أختاري البرامج الي هتعملي لطفلك حساب فيها

أنا ممكن استوعب ان طفل في عمر عشر سنين ممكن يتابع يوتيوب مع الرقابة الصارمة الي هنوضحها في الخطوات الي بعد كدة

او انه بتواصل على برنامج hangout مثلا مع اصدقائة مع رقابة

أو مع معلمه على سكايب او الزوم لكن مش ممكن أفهم ليه طفل في العمر ده يكون ليه حساب فيس بوك او انستغرام او سنابشات

اليوتيوب في خطوات كتير لتحديد الحجات الي طفلك هيشوفها وفيه رقابة بخطوات بسيطة ممكن تقللي المحتوى الغير مناسب بنسبة 60%

ومع قليل من الجهد الاضافي هتمنعي اي محتوى سئ لكن برنامج تواصل زي الفيس بوك مثلا

وعليه كم هائل من الفديوهات الغير اخلاقية بيتم بثها كل ثانية بدون اي رقابة من اي نوع ليه تشتركي لطفلك فيه

وهو اصلا غير مخصص للاطفال لو هدفك تواصل الطفل مع عائلته وأصدقائه في برامج أكثر أمان زي

hangout

او على الاقل يتواصل معاهم من خلال حسابك وتحت رقابتك

لكن لتتباهي أن ابنك أو بنتك عنده أكونت عليه صورته واسمه على الفيس بوك انتي بتعرضيه لكم كبير من المحتوي الغير لائق ومش هتقدري تبقي متأكدة بنسبة 100 %

من المحتوى الي بيوصله يبقى ده وتساهل في حق طفلك الي عليك حمايته في العمر ده

ولكن ان كان مفيش مفر من ده لأي سبب لازم تفهمي الطفل ان حسابة الايميل والباسورد لازم يكون معاكي وتتابعي بدون معرفته بشكل دوري ومكثف

وفهميه ان ده لسلامته الخاصة مش لمراقبته

لو طفلك فعلا مسبقا ليه حساب فيس بوك حاولي تقنين استخدامه فقط تحت رقابتك متابعه قائمة القنوات المشترك فيها

قائمة الأصدقاء قائمة الفديوهات التي تمت مشاهدتها قائمة البحث بشكل دوري لتفادي الاخطار قبل الانغماس فيها

باقات الأفلام والمسلسلات المنزلية

قنوات الافلام العربية والاجنبية باشتراك مع تنافس الشركات على اجتزاب المشتركين اصبح أكثر سهوله الاشتراك فيها في عصرنا ده وخاصة مع رمزيه اسعار الاشتراك في كثير منها فبقت منتشرة في بيوت كثير

قنني استخدامها على جهاز واحد في مكان حيوي في البيت زي الصالة او living

متعتمديش على تنبيهك للطفل بعدم تشغيل الافلام المنوه عليها بأعمار معينه لان التنبيه فقط دون رقابة حقيقية بمثابة لفت انتباه للطفل بشكل أكبر

لأن الممنوع مرغوب

ولان فضول الاطفال في العمر ده ليس له حدود

ولان طفلك سواء اعترفتي او لا أفضل منك في استخدام التكنولوجيا بمراحل بحكم العصر ويستطيع الوصول بسهوله لما يبحث عنه

رابعا مراقبة حسابات طفلك بشكل دوري

تأثيرات وسائل التواصل الاجتماعي بتختلف بشكل كبير. مثلا محادثة قصيرة مع قريب او صديق من المدرسة على

Google Hangouts

ممكن تكون مفيدة

لكن ساعات على فيس بوك وسناب شارت وانستجرام وتويتر وخاصة لأطفال اقل من 14 سنة قطعا مضرة

وهتسبب لطفلك مشاكل كثيرة خاصة عدم التركيز والتشتت واهمال الواجبات والدراسة والعلاقات الاسرية وتأثيرات نفسية أحيانا مثل الاكتئاب والأنعزال

مراقبة الطفل العادي

الي متعرضش مسبقا لأي محتوى غير مناسب او تعرض بس الام او الاهل لم يكتشفو أو لم يواجهوه بشكل مباشر

هتتابعي يوم بعد يوم او على الاقل مرة في الاسبوع من خلال family link

البرامج والالعاب الي طفلك قضى وقت عليها تعرف على مواقع الويب الي بيزورها أطفالك ،

ووسائل التواصل الاجتماعي التي بيستخدموها ، والتطبيقات الي بيقوم بتنزيلها.

قراءة التعليقات الي بيكتبها أو بيعجب بيها البحث عن سجل عمليات بحثه على الانترنت لمعرفة الموضوعات الي بتشغله.

هتحددي من داخل البرنامج في خانة اليوتيوب restricted mode

وده هيقلل بنسبة كبيرة المحتوى الغير لائق بس مش هيمنعه تماما

هتعرفي ايه البرامج الي قضى طفلك وقت عليها وكم المده لكل برنامج رقابتك هتتوجه بشكل أكبر للعبة أو البرنامج الي بيقضي عليه معظم الوقت

دلوقتي الخطوة الأهم في وقت نوم طفلك او في وقت استخدامك لجهازه لاي سبب افتحي حسابه على المتصفح وتابعي الhistory

لمعرفة الموضوعات التي تشغل بال طفلك ويبحث عنها

ادخلي على حسابة على اليوتيوب وتابعي قائمة الفديوهات في السجل او التاريخ

قائمة التعليقات والمحادثات ودي كمان ممكن ايقافها فتصبح غير متاحة للطفل من خلال الاعدادات داخل برنامج فاملي لنك

هنزل فديوهات على الفيس بوك صفحة التعليم المرح بالتفصيل لطريقة ذلك

تابعي قائمة الفديوهات المعلمة بالمشاهدة لاحقا وقائمة القنوات الي طفلك اشترك فيها

وبكده تكوني بشكل دوري متابعة طفلك وهتنقذية من الانزلاق في اي مسار غير مناسب مبكرا وفور وقوع خطأ

الحالة الأخرى طفلك فعلا تعرض لمحتوى غير مناسب

لو كنتي مسبقا مفعلة restricted mode

وطفلك رغم ذلك اتعرض لمحتوى غير مناسب فزي مقلنا مسبقا

ده بسبب ان فيه ناس بلا اخلاق هدفها الربح ولو كان غير مشروع وممكن تضيف المحتوى الغير لائق في شكل كارتون غالبا

وتضيفه كمحتوى امن ومناسب للاطفال

لو طفلك فعلا تعرض لمثل ذلك

وشعر سواء بشكل مباشر او غير مباشر انك علمتي وانه تحت رقابتك

ازاي هنستمر في متابعة الطفل ونكتشف هل هيشاهد أي محتوى غير مناسب مرة أخرى أم لا

وزي ما اشرنا مسبقا الاطفال في هذا العصر تعاملهم واتقانهم للألكترونيات زي اتقانك في عمر صغير لتركيب المكعبات

هما افضل بمراحل وبسرعة وبنفسهم ممكن المراهق يكتشف ازاي يخبي خطواته اويلغي سجله او يلغي المحتوى الي هيحس انه غلط

وعشان كده بقولك ان خطوة مواجة الطفل بغلطته متتخذيهاش ابدا الا كمرحلة نهائية لو فشلت باقي المحاولات

لان مش هدفنا ان الطفل يخاف او يحس بالاحراج فيبدأ يفكر ازاي يخبي أفعالة وخطواته على الانترنت

وده سهل جدا لاي طفل اكبر من 11 سنه

الهدف انك تشغلي تفكير الطفل وعقله بهوايات وامور مناسبة

الهدف انك تزودي ثقة طفلك واحترامة لذاته وتشبعيه بالاهتمام وتبعديه عن الفراغ

والهدف ان طفلك من نفسه يشعر بالاحراج امام نفسه وقليلا من الخوف من انك أو والده تعرفو وكثيرا من الرغبه انه ميشاهدش حاجة هو متأكد انها غلط ومحرج ان حد يعرف انه شاهدها

هنتعرف في السطور القادمة ازاي برضو اكتشف ده

اكيد طبعا الخطوات الأولية الي هتعمليها ولازم تعمليها تقللي وقت الشاشة فورا بأي حجج أخرى مثل القيام بانشطة أخرى ممتعة للطفل

خارج او داخل المنزل وادماجه في انشطة رياضيه او اجتماعيه او هوايات

العاب جماعية او حتى مشاهدة برامج وافلام ترفيهية مناسبة مع الاسرة

تقوية الوازع الديني من خلال الصلاة مع افراد الاسرة الدعاء وأكثري من الدعاء لطفلك بالهدايه وصلاح الحال وهو سامعك

التذكير الدائم من خلال القصص والمواقف الغير مباشرة بضرورة مراقبة الله في السر والعلن في افعالنا

اشعار الطفل بمزيد من الحب والاهتمام والتقدير والثقة وليس العكس

هدفنا أولا واخيرا مع المراقبة أن تنمية الدافع الداخلي للطفل لمراقبة افعالة بنفسه وتحديد ما يفيده او يضره

لان في وقت من الاوقات سيكبر الصغير ويخرج من دائرة متابعتنا

بيني لطفلك من خلال احاديث وجلسات اسرية غير موجهه له بشكل خاص

كيف ان الحرام يذهب الحلال المال الحرام يمحق المال الحال

النظر الحرام يضعف العقل والجسد مثله مثل الادمان تماما ويدمر العقل

ويبقينا مشغولين بتوافه الامور ويحرمنا متعه الاستمتاع بنعم الله علينا

عرفي طفلك ان اي سؤال يدور فذهنه ايا كان يقدر يحصل على اجابته منك او من والده

وان البحث عن اجابات على الانترنت لموضوعات معينه هتعرضه لمعلومات كثير غلط غير مناسبة للدين بشكل عام او هتعرضه لمحتوى غيرمناسب لعمره واخلاقه

عرفي طفلك ازاي يشغل وقته بما يفيد ويختار مايتابعه حتى ولو كان لمجرد الترفيه لازم يكون بضوابط معينه

مع كل الخطوات دي لازم تستمر الرقابة والمتابعة

طبعا بما انك مسبقا استخدمتي على جهاز طفلك فاميلي لنك فانت على دراية بحساب طفلك

وباسورد حسابه على اكونت جوجل واليوتيوب او اي متصفح بيستخدمه

من جهازك ومن خلال برنامج ال FAMILY LINK

راجعي سريعا قائمة التطبيقات الي طفلك مخزنها على جهازه اتأكدي ان ليس فيها اي برنامج للتصفح المخفي

التصفح المخفي لمن لا يعرفة هو متصفح عادي مثل فايرفوكس اوجوجل بيستخدم لأغراض كثيره

منها أو أحدها هو التصفح دون ترك أثار أو سجل يعني مفيش HISTORY

لو وجدتي اي برنامج من النوع ده عطلي استخدامة فورا هتعملي بلوك للتطبيق

هتعرفيه ازاي .؟من الأسم او الايقونه غالبا بتكون على شكل ماسك للوجه والعين اشارة للتخفي

ولوعايزة تتاكدي ان طفلك مش بيشاهد اي محتوي ويقوم بمسحه

في وقت جلوس طفلك على جهازه شغلي نفس حسابه من جهاز اخر كمبيوتر او لابتوب

وافتحي في نفس الوقت سجل اليوتيوب وسجل البحث على المتصفح

وهتشوفي

live

طفلك بيشاهد ايه قبل قبل قيامه بحذفه

هتلاقي في سجل الفيس بوك على اليمين جمله لتعطيل السجل او الهستوري

لو كان طفلك مفعلها عشان اليوتيوب ميحتفظش بالفديوهات الي تمت مشاهدتها عطلي الخيار ده عشان يستأنف السجل عرض الفديوهات الي بيتم تشغيلها

أطفال التكنولوجيا

لو كنتي مستغربه ان في خطوات من دي انتي متعرفيهاش وبتتسائلي ازاي ممكن طفلك يعرفها

هقولك تاني ابداع طفلك في استخدام الالكترونيات وسلاسة تعامله معاها مماثل لأتقانك زمان للعب بالمكعبات

لو لقيتي طفلك فعلا بيشاهد محتوى غير لاقك ابدأي فورا باتخاذ أجرائات لكل الاطفال مش هو بس من غير متعرفيه انك عرفتي

الطفل في العمر ده هيحس لواحدة وهيفهم من اجرائاتك

ممنوع الانعزال عن باقي الاسرة استخدام الاجهزة أمام الاسرة وممنوع بعد ساعة معينة

ممنوع وضع كلمة سر لا يعلمها الاهل

ممنوع الانشغال بالاجهزة عن وقت الصلاوات والمهمات

وقت الاسرة سواء كان للحديث او تناول الطعام او مشاهدة فلم او برنامج للعائلة ممنوع الاجهزة

ممنوع اصطحاب الاجهزة لاي مكان غير مكان الحركة في المنزل مثل الصالة او المعيشة LIVING ROOM

لو لقيتي الطفل عدل مساره واصبح في الاتجاه الصحيح استمري على مصادقته والتقرب منه وتشجيعه على حسن اختياراته ومراقبته لله

لو لقيتي الطفل لسه مستمر في مشاهدة محتوى غير مناسب

يمكنك كخطوة أولى من خلال برنامج family link

حظر التطبيق الذي لا يناسب الطفل او اللعبة الغير مناسبة

مثلا كان يشاهد محتوى غير مناسب على اليووتيوب

قومي بحظر استخدام تطبيق اليوتيوب من فاميلي لنك من حساب طفلك في الاعدادات

وكذلك امنعي الوصول الي صفحة اليوتيوب من المتصفح من خلال الاعدادات ايضا او اي صفحة اخرى غير مناسبة

لانك ممكن تمنعي التطبيق الخاص باليوتيوب فيستخدم عادي المتصفح للدخول لليوتيوب

وعند معرفة الطفل لأن في حظر على جهازة من استخدام التطبيق من حسابه

تلقائيا هيجي يستفسر عن السبب

اشعريه بشكل غير مباشر ان سبب الحظر مؤقت ليوم او يومين او ثلاثة وانه تم بشكل مباشر

من خلال تطبيق الاسرة وليس من خلالك لتجنب اي صراعات مباشرة مع الطفل وان هناك مثلا رسالة قد وصلتك تحذيريةفيها ان هناك محتوى غير مناسب تم تشغيله من الحساب وعشان كده تم حظره

ولكن أكدي على انك بتثقي فيه ومتأكده ان هناك خطأ ما أو انه شغل شيئا بدون ادراك محتواه

واجلسي مع طفلك وتناقشي معاه مثلا أسأليه أسألة مثل

ماذا كنت تشاهد عندما تم حظر البرنامج

هل تعتقد ان في فيديو او تطبيق بمحتوى غير مناسب اشتغل بالخطأ على جهازك لأني اثق بك وباختياراتك

واعلم ان الله يحبك لانك تحبه وتراقبه ولا تغضبه

هل يمكنك ان تأخذ هاتفي وتحاول تشغيل الفيديو الذي كنت بتابعه هنا عشان نطلع عليه سويا ونشوف ايه سبب الحظر

يمكنا الانتظار يومين حتى يعود البرنامج للعمل ونفكر في سبب حدوث ذلك حتى لا يتكرر

لا تنزعجي او تحبطي ان استمر طفلك في اخبارك بالأكاذيب للخروج من الموقف

فهو ده رد الفعل الطبيعي عند الفئة الأغلب في الموقف ده

حماية الأطفال من مخاطر شبكة الإنترنت

استغلي الموقف لتعليم الطفل اهمية الدعاء والاستغفار عند الخطأ ولا تشعريه بشكل مباشر

بمعرفتك وان ما نخجل منه لا يجب ان نفعله ووجهي حديثك لجميع اطفالك بشكل عام

من خلال فاملي لنك ممكن تخلي تصفح مواقع الانترنت قاصر على قائمة تحدديها

فقط حددي مع طفلك قائمة بالمواقع الي طفلك محتاج لتصفحها من جهازه

من جهازك ضيفي في قائمة LIMITED WEBSITE

استمري في الرقابه مع الخطوات السابق ذكرها من التقرب لله واتعليم الطفل اختيار النافع من الضار واستغلال الوقت

والترفيه الجيد الذي لا يضرنا

اشغلي وقت فراغ طفلك واستغلي طاقته وقدراته الذهنيه في انشطة مناسبة لعمره وهواياته لا تؤنبيه ولا تؤنبي نفسك

فمع ثورة التكنولوجيا التي نشهدها يوما بعد يوم

واختلاط الحابل بالنابل وسهوله رفع المحتوى وترويجه من قبل اي شخص في اي مكان اصبح

السئ هو المنتشر

ومع التوجهات العالمية للعديد من المنظمات بتغيير المعتقدات اصبح

التحدي أكبر واصعب ويحتاج المزيد من الجهد

حماية الأطفال من مخاطر شبكة الإنترنت

لا تغفلي مراقبة طفلك ومتابعته بشكل مستمر ومشاركته هواياته والحديث معه فكل ذلك يبعد عنه الكثير مما يمكن ان يتعرض له

وكل ذلك لا يقل اهميه عن اهتمامك بصحة طفلك وغذائه وتعليمه

لا تعتمدي على تربيتك لطفلك واخلاقه فهناك خلف ملايين الشاشات حول العالم عقول

كل تركيزها وشغلها الشاغل وصول ذلك المحتوى لطفلك بمليون شكل وصورة

أذا وصلت لنقطة انه لا بد من الحديث مع الطفل بشكل مباشر احرصي على ان يكون الحوار وديا قدر الامكان

وكوني متفهمه وامنحي طفلك الفرصه للحديث والتبرير والاعتذار وساعديه على اجتياز هذه المرحلة بأقل الخسائر

تجنبي التعنيف واللوم والانتقاد والعقاب والتوبيخ

واشعري الطفل انك دوما موجوده لدعمه وتصحيح الاخطاء معه والبحث عن الطريق والاجابة عن كل استفساراته ومخاوفة

أنشطة للأطفال عمر 9 حتى 12 سنة

انتظرونا خلال الاسبوع القادم ومجموعة مهارات اخرى يمكنك استغلال وقت الاجازة في تطوير مهارات اطفالك فيها لقضاء وقت مسلي ينمي فيه الاطفال قدراتهم الذهنية واليدوية على حد سواء

العاب تفكير-التفكير المنطقي-موقع رائع لألعاب ومطبوعات وقصص التفكير المنطقي

كوميكس-مواقع مجانية بسيطة لعمل رسوم الكومكس التعليم المرح

تطبيقات مجانية تعليمية -جوجل بلاي-قراءة و حساب ومهارات متنوعة

جرة الحكايات- نشاط ممتع وبسيط لتنمية خيال طفلك ومهاراته1

أعمال فنية للاطفال بالورق الملون1

اعمال يدوية للاطفال- أعمال فنية منوعة بورق الشجر

التزيين بالبالونات بالصور-أعمال فنية بسيطة%81

طريقة صناعة الرمل السحري-الرمل المخصص للعب ا لأطفال

رمل المخصص للعب الأطفال-الجزء الثاني طرق صناعة الرمل

أفكار سريعة لفطور صحي للاطفال

فصل الشتاء انشطة تفاعلية

الرسم والتصميم الجزء الاول

الرسم والتصميم الدرس الثاني

كيف اختار الكتاب المناسب لطفلي

قصص قبل النوم للأطفال-طاحونه الهواء-مشروع هندسي

طرق سريعه تنمى حب طفلك للتخيل وكتابه القصص

موقع رائع لطفلك كي ينشئ قصه وينشرها

المهارات الاجتماعيةمن عمر شهر حتى 10 سنوات

أفضل الأماكن الترفيهيه والتعليميه للأطفال في السعودية

تنميه مهارات الأطفال فى الرسم والتلوين

 متى ابدأ بتعليم طفلي العلوم

رسّام جوجل الآلي-حوّلي شخبطة طفلك لرسوم احترافية-تسلية وتنمية مهارات

مواقع تفاعليه لتعليم الحيونات للاطفال -الحيوانات حول العالم

تعليم الأطفال القران الكريم بالتكرار وتفسير القران الميسر

سومات اطفال للتلوين-برنامج تفاعلي يحول صور طفلك لرسوم ثلاثية الأبعاد متحركة

أغاني تعليمية للأطفال باللغة العربية- سنتين الى خمس سنوات

أبحث في الصورة-نشاط للأجازة الصيفية-تنمية دقة الملاحظة والتركيز>

العاب تعليم الاطفال-العاب تنمي مهارات الاطفال+6

أغاني تعليميه للأطفال – أفضل قنوات اليوتيوب- سنتين- خمس سنوات

رسوم اطفال-فوائد شخبطة طفلك وتنمية مهاراته

طريقة عمل الالوان المائية1

العاب تعليميةللأطفال-تعليم المفاهيم المالية البسيطة للأطفال

أضف تعليق

error: Content is protected !!